Қаз-қалпында

Ұлттық сайттардағы ағайындар әлі ХХ ғасырда жүр

Жақында мен біздің ұлттық  сайттардың біріне «мені өздеріңізге  қосалқы  жазғыш қылып аласыздар ма?» деген ұсыныспен шыққан едім. Олар өздеріне менің бір-екі мақаламды басты да, «жазба тілің тым қарабайыр екен» деп ары қарай  баспай қойды.

Меніңше, біздің ұлттық сайттардағы ағайындар әлі ХХ ғасырда, кешегі түсінікпен  жүрген адамдар тәрізді.

Қазір жұртқа сенің  көркем сөзді әсірелеп қызыл тілмен  су сапырғаныңның  ешкімге де қажеті жоқ. Жазғаныңда жұртты елеңдететін идея болмаса…

Терең аналитика болмаса… Оны кім оқиды?

Шыны керек, жұрт қазір сайт – порталдарды емес, блогерлерді, блогер –аналитиктерді, саясаттанушыларды басқаларын іздеп жүріп оқиды.

Ал ана сайт – порталдар сол күйі қаңырап тұр. Олардың күні өтіп кеткендей.

Мәселеңки, басқа елдерде, мысалы алысқа бармай-ақ, таяу Украина,  Ресей сынды елдерде тым тәуір деген сайттар әлдеқашан  блогерлерге,  жазғыштарға тұтас рубрика,  колонкалар беріп қойған.

«Осы жақсы жазады-ау,  айтады-ау»  дегендерге я парақша,  я студия беріп, сөйтіп халықпен жұмыс істей алатын адамдар арқылы, яғни  нағыз дарын иелері арқылы өздеріне оқырман да көрермен де тартып отыр.

Ал бізде ондай креатив те, түсінік те әлі жоқ екен.

Құнарсыз сөз сапырғандарды жинап алып қаңырап отырғандары…

Ал ХХІ ғасырдағы интернет деген нәрсенің құдіретін қазір бәрі түсініп болған сияқты.

Қазір бейтаныс дарын иесін дүйім елге көрсетіп бес минөтте атағын шығарып жіберетін инстаграм,  ютуб деген бар.

Телевидениенің өзі еріксіз сол арада танылғандарды жағалайтын болды.

Желі беттерінде кез келген  журналистен артық жазатын мықты мамандарды,  нағыз лидер мнениелерді де осы фейсбук сияқты желі беттерінен жиі көреміз.

Меніңше,  біздің ағайындар олармен әлі жұмыс істей алмайды екен.

Олжас ӘБІЛ.

Толығырақ

Ұқсас жазбалар

Back to top button