Таяуда Сайрам ауданының Жалын ауы­лында тө­тен­ше оқиға орын алды. Қораға кір­ген белгісіз аң осы ауыл тұрғыны Назар Іскендіровтің он үш бас малын жайратып кеткен. Бұл оқиғадан кейін мал дәрігерлері қойлардың барлығына дәрі егіпті. Ау­дандық санитарлық-эпидемиологиялық ор­талығының қызметкер­лері қораны залалсыздан­дырған.

«Қаңтар айының соңғы күндері болатын, – дейді Назардың­ анасы Пернегүл апа. – Қо­лымдағы ұлым Аман таңер­теңгісін малға қарау үшін қораға кеткен. Сәлден кейін түрі бұзылып қайтып келді де, қорада қойлардың өліп жатқанын айтты. Барлығымыз үдере көтеріліп қораға бардық. Бірнеше қой мен қозы жараланған, өліп жатқандары да бар. Қойлардың беттері тыр­нал­ған, біреулерінің жағы салбырап тұр. Бұл жөнінде дереу Қарабастау ауылындағы мал дәрігеріне хабар­ладық. Ол келіп ештеңеден қорықпай-ақ қойыңыздар деп кетті.

Өткен жылы Шымкент қа­ласындағы әл-Фараби аудандық санитарлық-эпидемиологиялық басқар­масының сол кездегі бастығы Гауһар Әлиеваның үс­ті­нен қарамағындағы қыз­­мет­­кер­лер тиісті орындарға арызданғаны белгілі. Олар ша­ғым­­дарында Г.Әлие­ва­ны киіл­ген киімдерін, пайдаланылған ком­пьютерін өздері­не қымбат бағаға мәжбүр­леп алдыртаты­нын, со­нымен бірге кейде «салық» салатынын да атап көрсет­кен.

Соңғы кездері анау-мынау емес, тіпті мазараттың жеріне үй салатындар да шы­ға бастады. Осындай сорақылықтар Шымкенттің «Сыпырған ата» мазаратында да орын алуда.

Темірлан тас жолының бойына ор­на­ласқан­ бұл мазаратқа бару үшін «Бекжан» базарын айналып өтуге тура келеді. Өйткені басқа жағы қоршаулы. Дегенмен мәселе онда емес. «Сыпырған атада» 14 жылдан бері көр қазушы болып келе жатқан Абдурахим Юлдашев (суретте) мазараттың ерте­ңіне қат­ты алаңдаулы. «Мазараттың жалпы ау­мағы қазір 10 гектар, – дейді А.Юлдашев. – Кезінде Амалбек Тшанов қала әкімі болып тұрғанда қосымша 5 гектар жер бергізген болатын. Осы­дан 10 жыл бұ­рын мына жерлер де бос жатқан. Кейіннен мектеп салынады дегенді естідік. Бірақ келе-келе бұл жұмыс аяқсыз қалды да, белгісіз бі­реу­лер тұрғын үй салуға кірісті. Біз бұл сорақылыққа қарсы шықтық. Амал не, біздің шырылдаған үнімізді ешкім естіген жоқ».

Осыдан соң А.Юлдашев бізді мазараттың оңтүстік-шығыс жақ бетіне ертіп барды. Осындағы темір қоршаудың маңында шеті­неген бірнеше сәби жерленіп­ті. «Мен кішкен­тай балалардың моласы аяқасты болмасын деп қабірді бір шеттен қазғанмын.

Шымкент қаласындағы бірнеше қоғам жанашырлары Президент Н.Назар­баевтан, Парламент депу­таттарынан Қазақстан халқы ассамблеясын таратуды талап етпек. Сол үшін олар Үндеу жарияламақ. Түрлі қоғамдық ұйымдардың төрағала­ры­ның талқылауынан өткен Үндеу мәтіні соңғы аптада да­йын болған. Атал­ған Үндеуге алғаш болып «ДИНАС» орталығының директоры Жарқынбек Сейтінбет пен «Азат-ЖСДП» Оңтүстік Қазақстан облыстық филиа­лының төраға­сы Жанысбек Өтеген қолдарын қойыпты. Сонымен бірге аталмыш бас­таманы талқылау жиынына қаты­сып­ жүрген «Ұлт тағдыры» ОҚО филиалының төрағасы А.Күмісбеков, Қазақстан компартиясы облыстық филиа­лы­ның бірінші хатшысы Е.Пернеев, «Ақиқат-1» қоғамдық бірлесті­гінің төрағасы Л.Байжанов, «Діл» газетінің бас редакторы Ш.Пірмат, «Арал-ЭХО» қоғамдық бір­лестігінің төрағасы Қ.Махан, «Алаш рухы» қоғамдық бір­лестігінің төрағасы Н.Шыңбаев, «Болашақ» газетінің бас редакторы Т.Қанаев, Қазақстан Жазушылар одағының мүшесі С.Тұрлыбек, Қазақстан компартиясы Шымкент қалалық филиалының хатшысы Н.Әмірова қол қояды деп күтілуде.

Үндеу мәтінінде мынадай сөздер бар:

Таяуда Шымкент қаласында­ғы бірқатар қоғамдық ұйымдар мен бірлестіктердің төрағалары Елбасыға хат жазды. Онда хат авторлары Президенттен Отырар ауданында орналасқан «Заречное» уран кенішінің жұ­мысын тоқтатуды өтінген. Біз осы мәселеге байланысты хатқа қол қойған­ азаматтардың бірі – Оңтүстік Қазақстан облыстық «Ақиқат – 1» қоғамдық бірлестігінің төрағасы Ілесбек Байжановты (суретте) сөзге тарттық.

«Кеңес өкіметі кезінде кеніште бар-жоғы 20 мың тонна уран бар екені анықталған еді, – дейді бірлестік төрағасы. – Кейіннен ондағы негізгі қордың 85 пайызы алынған. Өткен ғасырдың 40 – шы жылдары Қазақстанда уранды іздеп табу және оны өндіру мақсатында құрылған «Волховгеология» экспедициясы осы аймақта орналасқан 889 ұңғының бетін шала-шарпы жауып кеткен. Соның салдарынан жерасты суының деңгейі күрт көтеріліп, ауылдарда құдықтардың суы қышқылданып,­ бүліне бастаған. Бұл қоғамдық ұйымдар мен жергілікті халықтың наразылығын туғызып, ақырында 1990 жылы кеніш жабылған еді».

Жуырда Астанада билік басындағылар мен «Тәуелсіздікті қорғау халықтық қозғалысының» сегіз мүшесі қатысқан арнайы жиын өтіп, бұл жиында негізгі үш мәселе оң шешім тапты. Бірінші мәселе: болашақта жұмыс жасау үшін негіз ретінде «Ел бірлігі» доктринасы» емес, М.Шаханов­ тобы ұсынған «Қазақстан республикасы ұлттық саясатының тұжы­рымдасы» қабылданатын болды. Екінші мәселе: бұл құжатты дайындауда билік тарапынан он адам, «халықтық қозғалыс» құрамынан он мүше кірген комиссия құрылып, бірлесіп жұмыс жасау келісілді. Үшінші мәсе­ле:

«Қазақстан РТРК» АҚ Оңтүстік Қазақстан облыс­тық филиалында ауыс-түйістер жасалды. Осыған дейін директордың орынбасары қызметінен атқарған Базарбек Түкібай «Қазақстан – Шымкент» радио­сына бас редактор болып ауысты, директордың тағы бір орынба­сары – Айжігіт Асанов телеарнада шығар­машылық бөлімнің меңгерушісі қызметін атқа­ра­тын­ болды. Ал облыстық филиал дирек­торының орынбасары қызметіне белгілі журна­лист Қайырғали Медет тағайындалды.

Қайырғали Медет 1956 жылы Төлеби ауданының Қосағаш ауы­лында өмір­ге келген. 1982 жылы Қазақ мемлекеттік университетін бітірген соң ең­бек жолын «Білім және еңбек» журналында бастады, кейін «Денсаулық» журналында жауапты хатшы, тәуелсіз «Мәдениет» газетінің бас редакторы, «Қазақстан» телерадиокорпорациясында бағдарлама бөлімінің жетекшісі сынды бірқатар жауапты қызметтер атқарған.

Шымкент қалалық әкімдігінде екі бөлімге жаңадан басшылар тағайындалды. Жуырда қалалық әкімдік жанынан ашылған ветеринариялық бөлімге Бейсенбек Өтемісұлы Қамшыбеков бастық болды. Б.Өтемісұлы 1956 жылы Ордабасы ауданын­дағы Шұбар ауылында дүниеге келген. Бұған дейін Бәйдібек ауданындағы «Алғабас» кеңшарында «Ақбота» өн­ді­ріс­тік коопе­ра­тивінің төрағасы, Шымкент қаласындағы «Бірлік» өндірістік кооперативінің бас маманы, Оң­түстік-шығыс аймақтық шекарадағы және кө­ліктегі мемлекеттік ветеринариялық бақылау инспекторы қызметтерін атқарған.

Жақында Шымкент қалалық әкімдігіндегі экономика және бюджеттік жоспарлау бөлімі мен қаржы бөлімдері біріктірілгені белгілі. Ол қазір экономика және қаржы бөлімі деп аталады. Осы бөлімнің бастығы болып бұрынғы қаржы бөлімінің тізгінін ұстап келген Гүлжан Мамытқызы Құрманбекова тағайындалды. Ол еңбек жолын Шәуілдір жо­лаушылар тасымалдау мекемесінің кас­сирі болып бастаған, кейін де түрлі қызметтерді ат­­қар­ған, Қызылқұм аудандық қаржы бөлімінің кіріс есебінінің инспекторы, Шымкент қалалық қаржы бөлімінің аға тексерушісі болған.

Біз жаңа қызмет иелеріне жұмыста сәттілік тілейміз.

Т. БОРАЛДАЙ.

Оңтүстік Қазақстан облысының әкімі Асқар Мырзахметовтың өкі­мімен Серік Ибадул­лаев облыстық энергетика және коммуналдық шаруашылық басқармасының бастығы болып тағайындалды.

Серік Ибадуллаев 1950 жылы туылған. Мамандығы – экономист-қаржыгер. Еңбек жолын 1970-жылы Отырар ауданындағы «Балтакөл» кеңшарында бастаған, құрылыс­та аға мастер, аға прораб, кейін партком хатшысы, кеңшар директоры, аудандық қаржы бөлімінің бастығы болған. 1998-жылы Түркістан қаласы әкімінің орынбасары болып тағайындалды, сосын ауыл шаруашылығы бөлімінің бастығы қызметін атқарды. 2006-жылы Шардара ауданының әкімі болып тағайындалды. Ал 2008-жылдан бастап осыған дейін облыс әкімі аппараты ауыл ша­руашылығын дамыту, табиғатты пайдалану және кәсіпкерлік мони­торингі бөлімінің меңгерушісі – аппарат басшысының орынбасары болды.

Ал облыстық энергетика және коммуналдық шаруашылық басқармасының осыған дейінгі бас­тығы болып келген Жора Насыров басқа қызметке ауыстырылды.

Д. НҰРПЕЙІС.

Оңтүстік Қазақстан облысы­ әкі­мі­нің өкімімен Батыр­бек­ Жалмұр­заев облыстық ішкі саясат бас­қармасының бастығы бо­лып­ тағайындалды.

Батырбек Қаратайұлы Жалмұрзаев 1955-жылы туылған.­ Еңбек жолын 1973-жылы Ақтөбе ет комбинатында бастаған. 1980-жылы Ақтө­бе пе­дагогикалық институтын физика пәнінің мұғалімі мамандығы бойынша бітіріп шыққан. 1990-жылға дейін Ақтөбе облысында комсомол, партия қыз­метінде болды. 1990-1998-жылдары өзі туып-өскен Түлкібас ауданында жауапты қызметтер атқар­ды, аудандық білім бөлімін бас­қарды. 1999 – 2007-жылдары облыс­ әкімі аппараты қоғамдық-саяси бөлімінде қызметтер­ атқар­ды. 2007-жылдың қаңтар айынан осы қызметке таға­йындалғанға дейін облыс әкімі аппараты қоғамдық қатынастар бөлімінің меңгерушісі болды.

Ал облыстық ішкі саясат басқармасы басты­ғының мін­детін уақытша атқарып келген Жанболат­ Ибрагимов Түр­кіс­тан ауданы әкімінің орынбасары қызметіне ауысты.

Р. ҚЫДЫР.