Таяуда салық комитеті оңтүстік­қазақс­тан­дық 98 қымбат көлік иелерінің көлік салығын тө­ле­мегендігі жө­нінде ақпарат таратып, ол­ар­дың тізімі кейбір басылымдарда жарияланды. Бұл азаматтардың көлік салығына бере­ше­гі 14 млн. 596.218 теңге деп көрсетілген.

Двигателінің қуат күші 4 текшеден жоғары болып келетін қымбат маркалы көліктердің салық көлемі де жоғары. Олардың әрқайсысы­ның жылдық салық мөлшері 148 мың 941 теңгені құрайды.

«Қара тізімге» іліккен бұл азаматтар шыны­мен-ақ салық төлеуден жалтарғаны ма? Біз ол­­ардың кейбі­реу­леріне телефон шалғанда, мәселенің мәнісі бас­қа­шалау екенін білдік.

Кешегі аптада облыс орталығындағы адвокаттар алқасының кеңсесінде тағы да шу шықты. Ал ондағы дау-дамайға себеп болған мәселе өткен жылдың соңында-ақ басталған болатын.

2009 жылдың 8-ші желтоқсанында Оңтүстік Қазақстан облыстық адвокаттар алқасы өткізген есеп беру жиналысында адвокаттар сол кездегі төраға Әлиасқар Жұмабаевты қызметтен шеттету туралы қаулы қабылдаған. Оны әріп­тестері (қаулыда көрсетілгендей) заңсыз кәсіпкерлікпен айналысқаны және Түркістан қаласындағы заң кеңесін бе­ретін кеңсені өз атына жаздырып ал­ғаны, сонымен қатар мекемеге бөлінген қызметтік автокөлікті жеке басына пайдаланған деп айыптаған еді. Сондай-ақ бұрынғы төрағаның үстінен қылмыстық іс те қозғалған. Қаржы полициясының тер­геушісі де ол кісіні қызметтен шеттету туралы қаулы шығарған екен.

Сайрам ауданының Жаңаталап ауылында тұ­ра­тын Қойлыбай Жұманов (суретте) күн сайын­ сал­қын суға шомылуды, сондай-ақ жүгіруді дағдыға айналдырған. Ол кісіге ауа райының кез-кел­­ген қолайсыздығы ешқашан бөгет болған ем­ес. Бүгінде жасы сексеннен асқан қария әлі тың.

«Мен мектептен соң ҚазМУ-дың журналистика факультетіне оқуға түстім, – дейді ол кісі. – Алайда екі-үш айдан соң бас ау­руға душар болып, қаншама емделгенмен­ еш нәтиже шықпады. Содан соң университет ректоры Төлеген Тәжібаевқа жағдайым­ды айтып барғанымда ол кісі мені түсініп, академиялық демалысқа жіберді».

Отырар ауданындағы Ар­ыс ауылының тұрғыны, 55 жастағы Сарыбай Бай­кен­жеевтің (суретте) жүре­гі оң жағында орналасқан. Мұны Сәкеңнің өзі 47 жа­сында бір-ақ біліпті.

«Бала күнімде жүрегімнің қай жақта орналасқаны­на онша мән берген емеспін, – дейді С.Байкенжеев.­ – Әйтсе де бірдеңені сезіп, бойымды себепсіз қорқы­ныш билей бастағанда жүрегімнің кеуденің оң жақ тұсынан соғатынын байқағандай болатынмын. Ол кез­де жаспын, денсаулығым сыр бермегендіктен дә­рі­герге қаралған емеспін. 20 жыл қой бақтым. Қазір жасым 55-ке келді. Үш ұл, екі қызым бар.

12-ақпан күні Канаданың Ванкувер қаласындағы «Би-СиПлейс» стадионында ХХІ қысқы олимпиада ойындары өз жалауын көтерді. Спорттың 15 түрінен жарыс алаңына шығатын спортшылар 17 күн бойы 86 жүлдені сарапқа салады. Олимпиада ойындарына Қазақстан 39 спортшысын үкі­­-л­еп ­қосып, үлкен сенім артып отыр.

Қазақстан тә­уел­сіз­дік­ алғалы бе­рі төрт рет қыс­қы олимпиада ойындарына қа­тысқан. Жетістігіміз ау­ыз толтырарлықтай демесек те, қоржынымызда сыңғырлаған медальдар жүр. Бір Владимир Смирновтың өзінде шаңғымен жарысудан олимпиада ойында­ры­ның 4 күміс, 2 қола медалі бар. Ендеше, Ақ олимпиададан­ жүлделі қайту Қазақстан спортшылары үшін қол жет­пей­тін асу еместігі анық.

Газетіміздің өткен нөмірінде «Жастар практикасы» жас мамандарды жа­рыл­­қай ма?» деген тақырыппен Оңтүстік Қазақстан облыс­тық жұмыспен­ қам­туды­ үйлестіру және әлеуметтік бағдарламалар басқармасы жұмыспен қам­ту және еңбек рыногі бөлімінің бастығы Әсия Темірбаеваның газет тіл­ші­­сіне берген сұх­баты жарияланған болатын. Онда «Жастар практикасы» жо­­басы бойынша кім­дер және қанша жасқа дейінгі жастар жұмысқа тарты­латыны, олардың жалақысы мен жұмысқа қалай тұратыны туралы айтыл­ған. Алайда Әсия Темірбаеваның сұхбатында айтылған сөзі мен­ ол басқаратын бөлімнің осы мәселеге байланысты жұмыс­та­ры сәйкес келмейтіндігін айтып біраз оқырмандарымыз редак­ция­ға хабарласты. Солардың бірі, Шымкент қаласының тұрғыны Серіпхан Сапарханов редакцияға арнайы келіп, өзінің Алматы­дағы жоғары оқу орнын 2009 жылы бітірген ұлының аталмыш жоба бойынша құжат өткізе алмай жүргенін айтты.

Күн суықта үй жануарларының баршасы дерлік қолға қарайды. Ал жаба­йы­ аң-құстың жем-шөбі мен күтіп-бағы­луын қадағалайтындар бар ма? Әсі­ре­се қазір өңірімізде арқарлардың кө­бе­йіп жат­қандығы туралы естіп, олардың қыс­тыгүнгі жағдайы туралы білгіміз кел­ген. Осы жөнінде біз «Сайрам – Өгем» мем­лекеттік ұлттық табиғи паркінің ғылым және мониторинг бөлімінің бастығы Елубек Төлеміспен және табиғи кешендерді қорғау бөлімінің бастығы Асқар Құлтабаровпен тілдескен едік.

«Кейінгі жылдары арқарлар азайып кеткен болатын, – дейді Елу­бек Төлеміс. – Қазір олардың саны артып отырғанын бай­қау­­ға болады. «Қызыл кітапқа» енгізілген бұл жануарлардың құл­­жаларының денесінің ұзындығы 150 – 200 сантиметрге жетсе, күз­­дің күні салмақтары 110 – 160 килограмға дейін барады. Құл­­жаларының мүйізі өте қуатты, шиыршықталып иілген болып­ ке­леді. Олардың ұзындығы иілісі бойынша есептегенде 150 сан­тиметрге жуықтайды. Көлденеңінен қарағанда қатпарлы бола­тын­­дықтан, сақиналары анық байқалады.

2009-жылдың 6-шы тамызында Эльмира есімді азаматша облыстық ішкі істер де­пар­та­мен­тінің тергеу басқармасына күйеуі Тұрғанбек Шәмшиевтің із-түзсіз жоғалып кеткені жөнінде ха­барлаған болатын. Арада екі-үш күн өткенде полиция қызметкерлері Т.Шәм­шиевтің өлі де­несін тауып алған. Шұғыл іздестіру барысында поли­ция­ қызметкерлері кісі өлтіріп, қа­шып кетпек болған үшеуді қолға түсірді. Тергеу кезінде 20 жастағы Жайна деген қыз бен Асан, Қа­нат есімді екі жігіт істеген қылмыстарын мойындаған.

Бүгінде жастар мен кәмелетке толмағандар, сондай-ақ әйелдер­ арасында есірткіні ме­дициналық емес мақсатта тұтыну ерекше алаңдаушылық туғызуда. Алкогольді шектен тыс­ пайдалану да ұлт саулығы үшін қатер төндіреді.

Бүгінгі күнде облыс бойынша нашақорлықпен есепте 3192 науқас тұрады, оның ішінде жас­өспірімдер – 5, Шымкент қаласын­да 2418 науқас.­ Ал маскүнемдікпен есепте 15.889 нау­қас тұрады, оның ішінде жасөс­пі­рімдер – 89, Шымкент қаласында 9956 науқас­ есепте тұ­рады.

Оқырманның есінде болса, 2008-жылдың ақпанында «Замана» газетінде «Полицейден таяқ жегендер» деген тақырыппен мақала жарияланған бола­тын. Онда қорасындағы қойлары жоғалған Бәйдібек ауданының тұрғыны Аманбай Әлімбековтің по­лицейлерден көргені зәбірі жөнінде айтылған деді. Содан бері тура екі жыл өтсе де сол жанжал соңы толық шешімін таппай, әлі күнге дейін жалғасып келеді екен. Бізге бұл жөнінде таяуда редакциямызға шағымданып келген Ғазиза Есенәлиева айтып берді.

Ғ.Есенәлиеваның қолында күйеуінің кінәсіздігі жөнінде жазылған­ шағым хат пен Қазақстан Республикасының Бас прокуроры Қ.Мәмиге және облыс прокуроры Б.Құлтасовқа жазылған арыздардың кө­шір­месі бар. Сонымен бірге Ғазиза бізге облыстық прокуратураның­ басқарма аға прокуроры А.Беденнің күйеуі Сәкен Жапбашевқа қатыс­ты істе қылмыс құрамы болмауына байланысты оны өндірістен қыс­қарту және С.Жапбашевты қылмыстық жауапкершіліктен босату­ туралы шығарған қаулысын да әкеліпті.