Газетіміздің өткен нөмірінде Шым­кенттегі әл-Фараби ауданының әкімі Нұр­бақыт Иманқұловтың №14-мектепте есеп бергенін жазғанбыз. Сол жиынға қала әкімінің орынбасары Гауһар Көпеева да қатысқан болатын. Н.Иман­құлов мінбер­де есеп беріп жатқанда оның атына тұр­ғындардан жазбаша көптеген сұ­рақтар қойылды.

Жер телімі, балабақша, бағдаршам туралы сауалдарға Гауһар Көпеева өзі жауап беруді жөн көріп мінберге шыққан еді. Бірнеше сауалдарға қатар жауап берген оның сө­зін сол күйі жариялағанды жөн санадық. Өйткені мұндай сұрақтар көптеген оқырмандарымызды толғандырып жүргені рас.

– Конечно, жер беріледі. Себебі, мен сізге айтайын, 2007 жылда өзі баяғы дағ­дарысқа дейін, помните, баяғы қанша­ма­ кредиттер банктер берген анау-мынау­ деген... Ол кезде прямо қайнап тұрған кезінде, ойбай, жерді деген бесплатно алып, допус­тим, 5 мың долларға алып, сатып 30 мыңға, 100 мыңға бардак боп кеткен. Ол кезде жер деген самый золотой ресурс болған. Сондықтан, әрине, арасында порядочный адамдар... который... прессы нету здесь да­.

Газетіміздің өткен нөмірінде «Аялдама аты – «Шабуылдау» деген тақырыпта мақала жарияланған болатын. Онда Шымкенттің Әйтеке би көшесіндегі аялдама туралы айтылып, ол суретімен қоса берілген еді.

Аялдаманың бұлай аталуы құлаққа тосын естілетіні рас. Дегенмен ол «Шабуылдау» деп тектен-текке аталмаған екен. Бұл туралы бізге Шымкенттің іргесіндегі «Бадам-1» ауылының тұрғыны, «Замананың» тұрақты оқырманы Қуатбек Шалбаев деген кісі телефон шалып, айтып берді.

«Ол аялдама бұрыннан бар, – дейді қа­рия. – Артқы жағында 1970-жылдарға дейін «Штурм» атты жазғы кинотеатр болатын. 1864-жылы болуы керек, орыс әскерлері Шымкент қамалына сол тұстан тікелей шабуыл жасаған деседі. Кинотеатр соның құр­метіне «Штурм» аталған, соған сәйкес ол маңындағы аялдама да солай аталды. Ал енді жаңартылған соң маңдайшасына сол атау сөзбе-сөз аударылып жазылған болар».

Сонымен «Шабуылдау» деп айдар та­ғылған аялдаманың осындай келеңсіз тарихы бар екен. Ал енді аялдама жаңартылған кезде оған жаңа заманға сәйкес, құлаққа жағымды естілетін жақсы бір атау қойса болмас па еді?! Қала басшылары бір-бірімен соттасудан қолы босаған кезде осы жағын да ойлап қоюы керек емес пе?

Р. ҚЫДЫР.

Қазір лотерея ойындарының түрлері көп. Соның ішінде бүгінде елдің аузында көп айтылып, көп ойналып жүргені – «Супер Лото» ойыны. Шыққанына екі айдың жүзі енді ғана толған бұл лотереяның әр аптада ойналатын тиражында жақсы ұтыстар шығып жатыр.

7-қаңтар күні Шымкент қаласының 56 жастағы тұрғы­ны­ осы «Супер Лото» лотерея­сының N6 тиражының бірінші категориясы бойынша 34 млн. 705 мың 331 теңге ұтып алды.

Ұтыс иесі бұл бақытты би­летті Шымкенттің Бәйдібек би даңғылы басталар тұстағы аял­дамада орналасқан «Үміт» дүкенінен сатып алыпты.

Кешегі жұма күні Президент Нұрсұлтан Назарбаев Парламент палаталарының бірлескен отырысында Қазақстан халқына арналған дәстүрлі Жолдауын жария етті.

«Ел тарихының XXІ-ші ғасырдағы аса бір күрделі кезеңі аяқталып келеді, – деп бастады Елбасы өз сөзін. – Дүниежүзінің экономикасын тұралатқан жаһандық дағдарыс дауылы әлі де басыла қойған жоқ. Алайда ол өзінің алғашқы алапат қуатынан айырылды. Біз тастүйін дайын болғандықтан оның салдары біздің еліміз үшін соншалықты ауырға соққан жоқ.

Менің басты мақсатым – еліміздің алдағы онжылдықтағы экономикалық өрлеуін қамтамасыз етіп, жаңа мүмкіндіктерге жол ашу. Бүгінгі Жолдауымның өзі де осыған арналған. «Қазақстан – 2030» стратегиясын орындай отырып, біз алғашқы онжылдыққа арналған бағдарламаны тәмамдадық. Ендігі мақсат – осы стратегияның келесі онжылдығына қарай қадам жасау».

Елбасы бұдан кейін Үкімет пен барлық деңгейдегі әкімдердің алдында тұрған мынадай нақты мақсаттарды айқындап берді.

Шымкент қалалық әкімдігінен тағы да бір шу шыққаны туралы біз газеті­міз­дің өткен нөмірінде жазған болатынбыз. Онда қала әкімінің баспасөз хатшысы Бақыт Батырханның әкім орынбасары Жолдасбек Күздеу­баевты ар-намысыма тиіп, балағаттады деп сотқа бергені жайында жазылып еді. Сондай-ақ мақалада Ж.Күздеубаевтан осы мәселеге байланысты сұрағанымызда оның: «Алдағы аптада бәрі белгілі болады» деген сөзінен басқа жауап ала алмағанымызды да айтып өткенбіз. Алайда кешегі аптада ол кісімен хабарласу мүмкін болмады. Яғни өзі айтқандай, ненің белгілі болғанын өз аузынан ести алмадық. Дегенмен республикалық «Литер» газетінде қала әкімі орынбасарының осыған байланысты айтқан уәжі мен оған жауап ретінде қала әкімі Арман Жетпісбаевтың сөздері жарияланыпты. Біз осы мақаланы оқырмандарымызға сол қалпында ұсынғанды жөн көрдік.

«К сожалению, связаться с пресс-секретарем нам не удалось. Как сообщили в акимате, Батырхан находится в отпуске, а на звонки по сотовому телефону не отвечает. Зато у заместителя акима Шымкента Жолдасбека Куздеубаева много чего нашлось сказать. По его мнению, подача иска в суд пресс-секретарем была санкционирована… акимом Шымкента.

«Замана» газетінің өткен нөмі­рінде «Жерін сатқандар елін сатудан­ да тайынбайды» деген тақырыпта мақала жарияланды. Онда Өзбекстанмен шекара белгілеу кезінде жібе­рілген кемшіліктерге наразы тұрғындардың 20 адам қол қойған Ашық хаты мен сол хатты редакцияға алып келген Қайрат Шалмырзаевтың пікірі берілген еді. Ал 23-желтоқсанда редакциямызға Мақтаарал ауданының Сайлаукөл елді мекенінен Оспан Асанов есімді азамат (су­рет­те) келді.

«Осы қазір Алматыдан келе жатырмын, – деді О.Асанов. – Ол жаққа зиялы қауымның назарын өзімізге аудару үшін барып едім. М.Шахановпен де кездесіп, жағдайды түсіндірдім. Бұлай жүруім­нің себебі жеке басымның ісі емес. Қазақстандық шенеунік­тер­­дің қателігінен шекара белгі­леу барысында жүздеген адамның тағдырын тәлкек қылған ше­шім қабылданған­. Кезінде түсін­бей біраз уақытты жіберіп алдық, енді наразылық білдіріп жүр­геніміздің сыры осы.

Біз көшеге дейін Қазақстан азаматы болып келдік. Қазақстандық мекемелерде жұмыс істеп, жалақыны Қазақстаннан алдық. Туылу туралы куәлігіміз де Қа­зақстаннан алынған.­ Мақтадан алған өнімімізді Қа­зақстанға өткіздік. Солай бола тұра шекара белгілеу кезінде біздің ауыл Өзбекстаннан алынған болып шыға келді. Сонда бұл қалай? Бұған дейін Өзбекстан жерінде тұрып келгеніміз бе?

Қазір еліміздің көптеген облыстарында қыс мезгілі дүлей мінезін көрсетуде. Ал Оңтүстік Қазақстан облысында керісінше, ауа райы жылы, ­қар да өте сирек жауды. Қыс мез­гі­лі­нің бұлай болуы пайдалы ма, әлде зиян ба? Біз шаруашылық істерінен хабары мол шымкент­тік ғалым МұсатіллаТоқановпен осы жөнінде сұхбаттас болған едік.

– Қыстың жылы, қардың сирек жауғанының әсері қалай болмақ?

– Негізі қыс қыс сияқты, жаз жаз секілді болғаны­ аб­зал. Биыл қыс мезгілі жылы болуда. Бірақ мұндай жылы қыстың зияндығын көріп тұрған жоқпын. Себебі ағаштар әлі ұйқыда, ешқайсысы бүршік атқан жоқ. Ояу болса, демалмай, сосын келер жылы жемісті аз са­латын еді. Дегенмен мұндай құбылысты ақпан айын­да байқауға болады. Өйткені қыс жылы болған жылда­ры кей ағаштар ақпан айында бүршік атады.

Ал біз үшін қардың орташа жауғаны жақсы. Қар қалың жауса, күзде еккен егін қардың астында көп уа­қыт тұрғандықтан тұншығып қалады. Қар тым аз бол­са немесе мүлде жаумаса да қауіпті. Өйткені қыстың аты – қыс. Бір күні кенеттен ауа райы қатты суытса, күзде еккен егін үсіп кетуі ықтимал.

– Қазір жаңбыр жиі жаууда. Оның әсері қалай болады?

Соңғы кездері соттар құрамында бірқа­тар өз­ге­рістер орын алуда. 25-қаңтар күні Оңтүстік Қазақстан облыстық сотының төрағасы Абай Рахметулин журналистерге бұл өзгерістер жөнінде егжей-тегжейлі баяндап берді.

«Таяуда өткен соттардың бе­сінші съезі сот жүйесіне айтар­лықтар­ өзгерістер алып келді, – деді А.Рахметулин. – Бұл жөнінде Елбасының өзі нақты тапсырмалар берді. Біздің басты жаңалығымыз – облыстық соттарда азаматтық және қылмыстық алқа де­ген құрылым­дар жойылып, оның орнына апелляциялық және кассациялық алқа пайда болды. Ал Жоғарғы сотта қадағалау алқасы ғана қалады. Бұ­рын аудандық сот­тың шешіміне наразы жақтардың шағымын үш судьядан құралған апелляциялық алқа қарап, заңдылығына ба­ға беретін. Ше­шім дұрыс болмаса өзгертіп неме­се бұзып, бірінші сатыға қайта жі­беретін. Енді ондай болмайды, бір судья істі қайта қарап, өзі жа­ңа шешім немесе үкім шығарады­.

28-қаңтар күні «Ордабасы» футбол команда­сының бас бапкері міндетін атқарушы Шайзидин Кенжебаев баспасөз мәслихатын өткізді. Жиынды ұйымдастырушы команданың баспасөз қызметкері Ілияс Жолдас жақында «Ордабасының» Түркия мемлекетіне барып келгенін, сол себептен халықты бұл жөнінен хабардар ету үшін тілшілерді шақырып отырғанын айтып, Ш.Кенжебаевқа сөз берді.

«Команда түрік елінде екі аптадай болды, – деді Ш.Кенжебаев. – Ол жерде оқу-жаттығу жұмыстары жүргізілді. Тәжірибе алмасу мақсатында 6 командамен кездесу өткіздік. Алғаш­қы қарсыласымыз Украинаның 4-ші орындағы «Металлург» ко­мандасы болды. Біз «Металлургті» 3:1 есебімен жеңдік.

Жуырда тіркелмеген «Алға» партиясының Оңтүстік Қазақстан облысындағы 20 мүшесі Астанаға барып қайтты. Олар Астанаға не мақсатпен барды? Ол жақта не істеді? Осы және өзге де сауалдарға жауап іздеп аталмыш партияның облысымыздағы филиал төрағасы Жеңіс Досжановқа жолыққан едік.

– Сіздер Астанаға не үшін бардыңыздар?

– 19-қаңтар – Демократия күні. Жылда осы күні оппозициялық пар­тиялардың ұйымдастыруымен Алматы қаласында «Азаттық сыйлы­ғы» деп аталатын жүлделер тапсырылатын. Өйткені Қазақстанда­ғы партиялардың көбінің орталықтары ескі астанада. Әйткенмен Алматыда баяғыдай мемлекеттік би­лік органдарының кеңселері жоқ. Сондықтан жүлделер Алматыда бе­рілгенімен оның салмағы аса бі­лін­­бейді. Сол себептен биыл жүл­дегерлерді анықтайтын комиссия жүлделердің Астана қаласында бе­рілуін жөн санаған.